मिति २०८२/१०/२७ गते धनुषा जिल्लाको निर्वाचन क्षेत्र नं. 1, 3 र ४ मा अनुगमन गर्दा निर्वाचन आचारसंहिता विपरित चुनाव प्रचार प्रसार गरिएको पाइएकाले कारवाही गरिएको छ
4 महिना अगाडी
2082-10-28
तस्बिर :
धनुषा :
आज मिति २०८२/१०/२७ गते यस जिल्लाको निर्वाचन क्षेत्र नं. 1, 3 र ४ मा अनुगमन गर्दा निर्वाचन आचारसंहिता विपरित चुनाव प्रचार प्रसार गरिएको पाइएकाले निम्न बमोजिम कारवाही गरिएको छ :-
1. सार्वजनिकस्थान/सवारी साधनहरुमा टाँस गरिएका, राखिएका, झुण्ड्याइएका करिव १ हजार भन्दा बढी पोस्टर, तुल, ब्यानर, स्टिकर हटाउन लगाइएको, हटाइएको ।
2. 2000 भन्दा बढी पोस्टर, ५० भन्दा बढी ब्यानर र अन्य प्रचार प्रसार सामग्री सहितको ३ पाङ्ग्रे सवारी साधन कुनै दल/उम्मेदवारको प्रचार प्रसार गर्दै गरेको अवस्थामा नियन्त्रणमा लिई थप कारवाहीका लागि नेपाल प्रहरीलाई बुझाइएको ।
3. झण्डा, चुनाव चिन्ह र उम्मेदवारको तस्वीर सहितको टिशर्ट लगाई प्रचार प्रसार गर्दै हिडेका ४ जनालाई आचारसंहिताको जानकारी गराई टिशर्ट नियन्त्रणमा लिइएको ।
4. चुनाव प्रचार प्रसारमा स्कूलका बालबालिका प्रयोग भएको पाइएकाले विद्यार्थीहरुलाई सम्झाईबुझाई प्रचार सामग्री नियन्त्रणमा लिइएको ।
5. थप जानकारी संलग्न तस्वीरहरुबाट लिनु हुन अनुरोध छ ।
